शरद पवारांचे दुष्काळी परिस्थितीवर भाष्य...

दुष्काळाच्या निमित्ताने सरकारने तुमचे हात बळकट करणे गरजेचे आहेत. दुष्काळाच्या निमित्ताने काही निर्णय राज्यात होत असले तरी केंद्रात देखील काही निर्णय होत असतात. मी केंद्रीय मंत्रिमंडळात होतो त्यावेळी पंतप्रधान म्हणून मनमोहन सिंग यांनी बैठक बोलावली होती. त्यावेळी त्यांनी बैठकीत सांगितलं होतं दुष्काळात काय निर्णय घ्यायचे याचे सर्वाधिकार खासदारांना द्या. मंत्रिमंडळ संमती न घेता ते अधिकार द्या. त्यावेळी मी जालना जिल्ह्यात गेलो होतो त्यावेळी राजेश टोपे होते त्यांनी सांगितलं होतं, मोसंबी बागा मोठ्या प्रमाणात आहेत. त्यावेळी एक गोष्ट कळली होती, मोसंबीला कधीही मदत मिळाली नव्हती. त्यावेळी मी दिल्लीत गेल्यावर निर्णय घेतला की मोसंबी पिकाला 25 हजार रुपये मदत देण्याचे जाहीर केले. तुम्ही थकबाकीदार असाल तर नवीन कर्ज तुम्हाला मिळणार नाही. याबाबत शेतकऱ्यांमधे जनजागृती होणे गरजेचे आहे. 265 तालुके दुष्काळग्रस्त जाहीर केले आहेत. बाकी जिल्हे त्यात नाहीत. केळी पिकाला मदत नाही. याबाबत नोंद घेणे गरजेचे आहे, असे शरद पवार यांनी सांगितले. 

महाराष्ट्र मधे AI शिकवण्यासाठी पहिली संस्था बारामतीत स्थापन केली आहे. नुकताच त्या संस्थेत गेलो होतो दारातून आत गेलो तेव्हा दोन  रोबोटनी मला सॅल्यूट मारला. त्यांनी अनेक गोष्टी मला करून दाखवल्या. जगात अनेक प्रश्न कृत्रिम बुद्धिमत्ता सोडवू शकेल. त्यामुळे ते शिकायला लागेल किमान आपण तो विषय समजून घ्यायला हवे, असे मत शरद पवार यांनी व्यक्त केले.  जितेंद्र आव्हाड यांनी सांगितलं निवडणुक प्रक्रियेत काय होतं आहे. भविष्यात AI किंवा कृत्रिम बुद्धिमत्ता संबंधित साधणं निवडणुकीत वापरली जातील. त्यामुळे मी अध्यक्षांना याबाबत सांगितलं आहे. आपल्यालादेखील याबाबत काहीतरी करावं लागेल. माझ सांगणं आहे की, याबाबत छापून येणारे लेख वाचा समजून घ्या. आपल्याला हे समजून घ्यायची मानसिकता करावी लागेल, असा सल्ला शरद पवार यांनी राष्ट्रवादीचे नेते आणि कार्यकर्त्यांना दिला.